تعلیمی بورڈ ملتان میں قلم چھوڑ ہڑتال
ایمپلائز ویلفیئر ایسوی ایشن ملتان کی جانب سے آج تعلیمی بورڈ میں قلم چھوڑ احتجاج کیا گیا، اس موقع پر ایمپلائزویلفیئرایسوی ایشن ملتان کے صدرملک نثار احمد نے کہا صوبائی وزیر تعلیم کے احکامات اور پی بی سی کے تحریری وعدے کے باوجود پنجاب کے تعلیمی بورڈذ کے ملازمین کو یوٹیلیٹی الاؤنس کی عدم ادائیگی امتحانات کا انعقاد ناکام بنانے کی سازش ہے ۔ چیئرمین تعلیمی بورڈ راولپنڈی اور ایڈیشنل سیکرٹری ہائیر ایجوکیشن ڈاکٹر طلحہ کی طرف سے منسٹر کے احکام کو کاغذ کا پرزہ کہہ کر ردی کی ٹوکری میں پھینکے کے واقعہ کی پرزور مذمت کرتے ہیں۔
ایمپلائز ویلفیئر ایسوی ایشن ملتان کے عہدیداران کی طرف سے مطالبہ ہے کہ صوبائی وزیر تعلیم جناب راجہ یاسر ہمایوں سرفراز فوری معاملے کا نوٹس لیں۔ایکشن کمیٹی آل پنجاب ایجوکیشن بورڈز ایمپلائز ویلفیئر ایسوسی ایشن پنجاب کی جانب سے احتجاجی مظاہرے کئے جائے گے۔
تعلیمی بورڈ میں قلم چھوڑاحتجاج میں ڈپٹی جنرل سیکرٹری ملک رمضان جنرل سیکٹری شیخ عمران حسین فنانس سیکرٹری حافظ یحییٰ خان،کنور نعیم،یونس دیقی،مشتاق احمد،مجاہد حسین بلوچ ودیگر شریک تھے اعلیٰ حکام نے نوٹس نہ لیا تو بڑے پیمانے پر احتجاج کریں گے۔
