خوشی ہے کہ شاہین شاہ آفریدی جیسا باؤلر میرے پاس ہے:بابر اعظم
قومی ٹیم کے کپتان بابر اعظم نے کہا ہے کہ جیت پوری ٹیم کی مشترکہ محنت کا نتیجہ ہے، جب بھی جیت ملتی ہے بطور کپتان بہت اعتماد ملتا ہے ، تمام کھلاڑیوں نے شاندار کھیل پیش کیا، وکٹ سے مدد نہیں ملی تو فیلڈنگ پوزیشنز بدل کر حریف ٹیم پر دباؤ بڑھانے کا فیصلہ کیا۔
خوشی ہے کہ پہلی اننگز میں جلدی وکٹیں گنوانے کے باوجود فواد عالم کے ساتھ پارٹنرشپ ہمیں میچ میں واپس لا ئے، شاہین شاہ آفریدی نے شاندار باؤلنگ کا مظاہرہ کیا نوجوان فاسٹ باؤلر نے اپنی عمدہ باؤلنگ سے میزبان ٹیم کو بیک فٹ پر ہی رکھا، ہم نے حکمت عملی کے تحت ویسٹ انڈیز کو چوتھے روز بیس اوورز کھیلائے۔
ہمیشہ کہتا ہوں فواد عالم بہت تجربہ کار بیٹسمین ہیںمشکل کنڈیشنز میں انہوں نے شاندار بیٹنگ کا مظاہرہ کیا۔
ڈومیسٹک کرکٹ میں دس ہزار رنز بنانے والے فواد عالم ٹیم کو مشکل صورتحال سے نکالنے میں اہم کردار ادا کررہے ہیں، ہمارے ہر بیٹسمین کو فواد عالم سے سیکھنے کی ضرورت ہے۔
شاہین شاہ آفریدی بہت بااعتماد باولر ہیں، جب بھی انہیں باؤلنگ کا کہتا ہوں وہ جارحانہ باؤلنگ کرتے ہیں، خوشی ہے کہ شاہین شاہ آفریدی جیسا باؤلر میرے پاس ہے۔
