دو روزہ سی سی اے ٹورنامنٹ جمعہ سے شروع ہوگا
پی سی بی جمعہ 16 جولائی سے دو روزہ سٹی کرکٹ ایسوسی ایشن ٹورنامنٹ 2021 کی میزبانی کرنے کے لئے تیار ہے۔
وسطی پنجاب ، خیبر پختونخوا اور سندھ کے میچز 16 جولائی سے ہوں گے۔ 24 جولائی سے بلوچستان اور جنوبی پنجاب میچوں کی میزبانی کریں گے جبکہ نادرن کے میچز 27 جولائی سے شروع ہوں گے۔
دو روزہ انٹر سٹی ٹورنامنٹ پی سی بی ڈومیسٹک سیزن 22-2021 میں فرسٹ کلاس ، نان فرسٹ کلاس ، 50 اوور اور 20 اوور مقابلوں کے لئے کرکٹ ایسوسی ایشن ٹیموں کی سلیکشن کا طریقہ کار ہے،یہ سلسلہ ستمبر سے شروع ہو گا۔
ملک کے 50 سے زائد مقامات پر مجموعی طور پر 262 میچز ہوں گے ،جن میں آٹھ بین الاقوامی مقامات شامل ہیں ، اور 93 ٹیموں میں 1800 کے قریب کھلاڑی شامل ہیں۔
ان بین الاقوامی مقامات میں کوئٹہ میں بگٹی اسٹیڈیم ، گوجرانوالہ اور سیالکوٹ میں جناح اسٹیڈیم ، فیصل آباد کا اقبال اسٹیڈیم ، سرگودھا میں اسپورٹس اسٹیڈیم ، حیدرآباد کا نیاز اسٹیڈیم ، ملتان کا ملتان کرکٹ اسٹیڈیم اور بہاولنگر میں ڈرائننگ اسٹیڈیم شامل ہیں۔
اس سطح پر پہلی بار ، پی سی بی نے 93 کوالیفائی کوچز کا تقرر کیا ہے، ہر کھلاڑی کو اب روزانہ الاؤنسز کے علاوہ 5،000 میچ فیس بھی ملے گی۔
