زکریایونیورسٹی ملتان میں ہفتہ شان رحمت العالمین ﷺ کے سلسلہ میں تقریری مقابلہ

شعبہ علوم اسلامیہ بہاء الدین زکریایونیورسٹی ملتان میں ہفتہ شان رحمت العالمین ﷺ کے سلسلہ میں تقریری مقابلہ منعقد ہوا ۔
تقریب کی صدارت چیئرمین پروفیسر ڈاکٹر عبدالقدوس صہیب نے کی۔ تقریری مقابلہ کے جج کے فرائص ڈائریکٹر سیرت چیئر ڈاکٹر محمد ادریس لودھی ، ڈاکٹر محمد امجد، ڈاکٹر شازیہ عنبرین شعبہ اردو نے سرانجام دیے۔ڈاکٹر سارہ طیبہ نے سٹیج سیکرٹری کے فرائض سرانجام دیے۔
تقریری مقابلہ میں پوزیشن ہولڈر طلبہ کی نامزدگی کی گئی۔تقریری مقابلہ کے نتائج کے مطابق حافظ محمد فیض فرید شعبہ علوم اسلامیہ فرسٹ ، سجاد حسین شعبہ اردو سیکنڈ اور نوید سلیم شعبہ انگلش تھرڈ رہے۔
تقریب میں اساتذہ کرام کے ساتھ ساتھ طلباء کی ایک بڑی تعداد نے شرکت کی۔