زکریا یونیورسٹی کے شعبہ ماس کمیونیکشن کی انتظامیہ نے ٹھیکیدار کے چھ لاکھ روپے دبا لئے

زکریا یونیورسٹی میں کام کرنے والے ٹھیکدار مختلف شعبوں کے اساتذہ کے سامنے بے بسی کی تصویر بنے نظر آتے ہیں ایسا ہی کیس سامنے آیا ہے جس میں شعبہ ماس کمیونیکشن کی انتظامیہ نے ٹھیکیدار کے چھ لاکھ روپے دبا لئے ، شعبہ ماس کمیونیکشن میں 2018میں 8ایئرکنڈیشن لگائے گئے جن کی منظوری بھی لی گئی مگر ادائیگی سے قبل جس اکاونٹ سے ادائیگی کرنا تھی یونیورسٹی نے اس کو دوسرے اکانٹ میں ضم کردیا جس پر سینڈیکٹ نے فیصلہ کیا کہ ٹھیکیدار کو اس شعبہ کے ایوننگ کے اکاونٹس سے فوری ادائیگی کی جائے مگر تاحال شعبہ کی انتظامیہ لیت ولعل سے کام لے رہی ہے جبکہ ٹھیکیدار خوار ہورہا ہے اس کا کہنا ہے کہ میری تمام جمع پونجی پھنس کررہ گئی ہے میری کوئی نہیں سن رہا ہے کس کے سامنے فریاد کریں اب عدالت کا دروازہ رہ گیا ہے۔