سوشل میڈیا پر متحرک سرکاری سکولز اساتذہ کے گرد گھیرا تنگ کرنے کافیصلہ

سوشل میڈیا نے جہاں لوگوں کو بولنے کی آزادی دی وہیں کچھ لوگوں نے اس آزادی کا ناجائز فائدہ اٹھاتے ہوئے دوسروں کی کردار کشی کا سلسلہ بھی شروع کردیا ۔

ایسا ہی کچھ ایڈیشنل چیف سیکرٹری میڈم ارم بخاری کےساتھ ہو اجب پنجاب بھر کے اساتذہ کے احتجاج کے بعد وہ ان کے مسائل کےلئے مذاکرات کررہی تھیں تو اساتذہ کے کچھ گروہ نے ان کی کردار کشی شروع کردی جس پر انہوں نے بھی کارروائی کا عندیہ دے دیا اور سوشل میڈیا پر 25 فیصد ڈسپیریٹی الاؤنس کے حق میں ٹرینڈ کرنے والے ملازمین کیخلاف ایکشن کا فیصلہ کرلیا ، ہزاروں اساتذہ نے پنجاب حکومت کے خلاف ٹرینڈ میں حصہ لیا۔

ایڈیشنل چیف سیکرٹری ارم بخاری کا کہنا ہے کہ ملازمین نے ڈسپیریٹی الاؤنس کے مطالبہ کیلئے تمام حدیں پار کرلیں، غیر مناسب اور اہانت آمیز ٹویٹس ڈیلیٹ نہ کئے گئے تو متعلقہ ملازمین کے خلاف سخت ایکشن لیا جائے گا۔