شہرہ آفاق فٹبالر کرسٹیانو رونالڈو بھی پیٹرول کے لئے لائن میں لگ گئے

برطانوی نشریاتی ادارے کی رپورٹ میں کہاگیا ہے کہ برطانیہ میں پیدا ہونے والے پیٹرول بحران سے جہاں عام لوگ متاثر ہیں وہیں معروف فٹبالر بھی اس سے متاثر ہوگئے۔
انگلینڈ میں رونالڈو کے دو ڈرائیور ایک پٹرول اسٹیشن پر ایندھن حاصل کرنے کے لیے سات گھنٹے تک قطار میں لگے رہے اور پھر مجبور ہوکر ایسے ہی واپس روانہ ہوئے۔
رونالڈو کے ایک ڈرائیور پانچ کروڑ مالیت سے زائد بینٹلے اور رینج روور میں 7 گھنٹوں تک پمپ میں کھڑے اپنی باری کا انتظار کرتے رہے۔
رونالڈو کی گاڑیوں اور ڈرائیورز کی تصاویر سوشل میڈیا پر وائرل ہوئیں تو صارفین نے ان پر دلچسپ تبصرے کیے۔ایک صارف نے لکھا کہ ’دنیا کا امیر ترین فٹبالر بھی اپنی مہنگی ترین گاڑیوں میں پیٹرول نہ ڈلوا سکا‘۔