عدالت نے لیگی رہنماوں کو رہا کرنے کا حکم دے دیا

لاہور ہائی کورٹ ملتان بینچ کے جج مسٹر جسٹس سردار احمد نعیم نے یوسی 13 کے لیگی چئیرمین اور وائس چیرمین کی ایک ماہ کی نظر بندی کے خلاف دائر رٹ درخواست پر انہیں رہا کرنے کا حکم دیا ہے۔

قبل ازیں عدالت عالیہ میں پٹیشنر ناصر احمد قریشی نے کونسل ضیاء الرحمن رندھاوا کے ذریعے درخواست دائر کرتے ہوئے موقف اختیار کیا تھا کہ لیگی چیئرمین محمود احمد قریشی اور وائس چیئرمین عمران کو ڈپٹی کمشنر نے 12 اپریل کو نظر بند کرنے کا حکم جاری کیا تھا۔

یہ حکم لیگی کارکنوں کے ساتھ دشمنی کی بنیاد پر جاری ہوا جس میں مقامی رکن قومی اسمبلی بھی ملوث ہیں۔