فاطمہ جناح کالج برائے خواتین میں سائنسی نمائش

گورنمنٹ فاطمہ جناح کالج برائے خواتین میں سائنسی نمائش کا اہتمام کیاگیا ۔
تقریب کے مہمان خصوصی ایڈیشنل سیکرٹری ایچ ای ڈی جنوبی پنجاب ڈاکٹر فرید شریف ، اور مہمان اعزاز ڈپٹی ڈائریکٹر پروفیسر قاضی خالدتھے۔
نمائش میں فزکس، کیمسٹری، بیالوجی کے پراجیکٹس رکھے گئے ،جو طالبات نے تیار کئے تھے۔
اس موقع پر خطاب کرتے ہوئے ڈاکٹرفرید شریف نے کہا کہ سائنسی نمائش کا مقصد طالبات کو عملی طور جدید تقاضوں سے ہم آھنگ کرنا ہے ، ایسی سرگرمیاں طالبات کےلئے شاندار ہیں انہوں نے انتظامیہ کی کارکردگی کو سراہتے ہوئے امیدظاہر کی کہ یہ سلسلہ مستقبل میں جاری رہے گا۔
تقریب میں پروفیسر عظمیٰ گلزار، پروفیسر سیما شاہین، پروفیسر نجمہ ساجد، پروفیسر ریحانہ اسلم، پروفیسر مسلمہ بی بی ، پروفیسر عظمیٰ جاوید اوردیگر نے شرکت کی۔
آخر میں طالبات میں اسناد اور سرٹیفکیٹس تقسیم کئے گئے ۔