قبضہ مافیا سے 14 کنال 14 مرلے اراضی واگزار کرالی گئی

سوشل میڈیا پر ننھی بچی کی جانب سے زمین کا قبضہ واگزار کرانے کی اپیل پر ڈپٹی کمشنر علی شہزاد کی ہدایت پر موضع فیروزپور شیرشاہ میں قبضہ مافیا کے خلاف آپریشن کے دوران کروڑوں روپے مالیت کی اراضی واگزار کروالی گئی۔

قبضہ مافیا کے خلاف آپریشن کی قیادت اسسٹنٹ کمشنر تحصیل صدر محمد عدنان بدر نے کی جس میں پولیس،محکمہ مال اور تحصیل انتظامیہ ملازمین کی بڑی تعداد نے حصہ لیا۔

آپریشن کے دوران قبضہ مافیا سے 14کنال چودہ مرلے زرعی اراضی کا قبضہ چھڑوالیا گیا، اور تیس سال سے زمین پر قابضین سے قبضہ واپس لے کر حقیقی مالکان کے حوالے کر دیا گیا۔

یاد رہے کہ سوشل میڈیا پر معصوم بچی نے اعلی حکام سے زمین پر قبضہ واگزار کروانے کی فریاد کی تھی۔