محکمہ سکولز نے مانیٹرنگ کے نئےایس او پیز جاری کردئے
محکمہ سکولز نے مانیٹرنگ کرنیوالوں کو خواتین اساتذہ بارے نئے ایس او پیز جاری کردئے۔
اس سلسلے میں بتایا گیا ہے کہ محکمہ سکولز نے مانٹرنگ کے لئے نئے ضابطہ اخلاق پر عملدرآمد کرانے کے ہدایات اور ضابطہ اخلاق جاری کردیا گیا ہے۔
جس کے مطابق سرکاری سکولوں میں مانیٹرنگ کی ٹیم خواتین ٹیچرز کے کمرے میں جانے سے پہلے دستک دے گی، مانیٹرنگ ٹیموں کے خواتین ٹیچرز کے واش رومز میں جانے پر پابندی ہوگی۔
ایم ای اوز خواتین ٹیچرز سے ان کے موبائل نمبر لینے سے اجتناب کریں گے، ایم ای اوز خواتین ٹیچرز سے مناسب فاصلہ رکھ کر گفتگو کریں گے۔
خواتین ٹیچرز سے ایم ای اوز ایسی جگہ بات کریں گے جہاں دیگر عملہ بھی ہو ۔
ایم ای او کسی بھی سکول کی مانیٹرنگ کے دوران کھانے پینے سے پرہیز کریں، مانیٹرنگ کرنے والے ایم ای اوز ضابطہ اخلاق پر دیگر ہدایات پر بھی عمل کریں گے۔
سرکاری سکولوں کی مانیٹرنگ کے لیے ایم ای اوز اب یہ نیا ضابطہ اخلاق اپنائیں گے۔
