مسیحی برادری کے ملازمین کو ایڈوانس تنخواہ اور پنشن جاری کرنے کا فیصلہ

حکومت پنجاب نے کرسمس کے موقع پر مسیحی برادری کے ملازمین کو ایڈوانس تنخواہ اور پنشن جاری کرنے کا فیصلہ کیا ہے۔
اس سلسلے میں ایم ڈی ملتان ویسٹ مینجمنٹ کمپنی فخرالاسلام ڈوگر نے مسیحی ملازمین کو20 دسمبر تک تنخواہیں ادا کرنے کا حکم دے دیا ہے۔
انہوں نے کہا ہے کہ میسحی برادری سے تعلق رکھنے والے پنشنرز کو بھی20 دسمبر تک ادائیگی کر دی جائے اور تنخواہیں اور پنشن 20 دسمبر تک مسیحی ملازمین کے بنک اکاونٹ میں منتقل کر دی جائیں۔
کرسمس کے موقع پر گرجا گھروں کی خصوصی صفائی کے لئے بھی احکامات جاری کر دئے گئے ہیں۔
فخرالاسلام ڈوگر نے کہا ہے کہ اقلیتی برادری کو اپنے مذہبی تہوار منانے کے لئے پرامن اور صاف ستھرا ماحول فراہم کرنا ہماری آئینی و قانونی ذمہ داری ہے۔