ملتان میں کورونا کی ویکسی نیشن کےلئے موبائل سروس شروع کردی گئی

وزیر اعلیٰ عثمان بزدار کی ہدایت پر صوبہ پنجاب میں کورونا ویکسی نیشن کا عمل تیز کردیا گیا ہے اور ملتان سمیت صوبہ کے13 اضلاع میں کورونا ویکسی نیشن کے لئے موبائل سروس کا آغاز کر دیا گیا ہے۔

محکمہ صحت ملتان کو بھی کورونا ویکسی نیشن کے لئے موبائل ہیلتھ یونٹ فراہم کردیا گیا ہے۔موبائل ہیلتھ یونٹ، جسے کاروان صحت کا نام دیا گیا ہے،روزانہ شہر کے مختلف علاقوں میں پارک کیا جائے گا اور شہریوں کی کورونا ویکسی نیشن کی جائے گی۔

موبائل ہیلتھ یونٹ کا شیڈول ڈپٹی کمشنر علی شہزاد کی منظوری سے تیاری کیا جائے گا۔موبائل ہیلتھ یونٹ نے بدھ کے روز ائر پورٹ روڈ پر واقع ٹینک چوک جمیل آباد میں کورونا ویکسی نیشن کی سروس فراہم کی۔