وزیر اعظم نے تمام ڈسکوز کے بی او ڈی کے چیئرمینوں اور ممبران کی تٖصیل طلب کرلی

معاون خصوصی برائے توانا ئی تابش گوہر کے بعد ان کے ہم خیال افسروں اورممبران بورڈآٖف ڈائریکٹرز کے گرد گھیرا تنگ کرنے کی کارروائی کی شروع کردی گئی ہے۔
ذرائع کا کہنا ہے کہ بی اوڈیز میں ہونے والے فیصلوں اور ان سے کمپنیوں کو ہونےوالے نقصانات کو جائزہ لیاجارہا ہے جس پر وزیر اعظم عمران خان نے میپکو بی او ڈی چئیرمین جلیل ترین سمیت تمام ڈسکوز کے چئیرمینوں اور ڈائریکٹرز کی مکمل تفصیلات طلب کر لیں، جس پر وفاقی منسٹر پانی و بجلی حماد اظہر نے پاور ڈویژن کو احکامات جاری کر دیے کہ 15 دن میں تمام تفصیلات مکمل کی جائیں لز جس کے بعد وفاقی منسٹر پانی، بجلی وزیر اعظم عمران خان کو مکمل تفصیلات کے ساتھ بریفنگ دیں گے۔
دریں اثنا اطلاعات کے مطابق تمام ڈسکوز کے بورڈ اف ڈائیریکٹرز کے چئیرمین کو سیکریٹری پاور ڈویژن نے آج اسلام آباد طلب کر لیا ہے ۔