ویمن یونیورسٹی میں جشن آزادی کی تقریب آج ہوگی

حکومت پنجاب کی ہدایت پر ویمن یونیورسٹی ملتان جشن آزادی کی تقریب مقررہ ایس او پیز کے تحت منعقد کی جائے گی۔
ترجمان کے مطابق ڈائریکٹر سٹوڈنٹس افئیر دی ویمن یونیورسٹی ملتان کے زیر اہتمام پاکستان کی 75ء سالگرہ کے موقع پر پروگرام کا انعقاد کیا جائے گا، اس موقع پر پرچم کشائی کی تقریب کی مہمان خصوصی وائس چانسلر پروفیسر ڈاکٹر عظمی قریشی ہوں گی۔
تقریب میں محدود شرکا کو شامل کیا جائے گا ، جس میں اساتذہ آفیسرز اور ایڈمن سے منسلک عملہ شامل ہوگا، جبکہ طالبات کی تعداد محدود ہوگی۔
کورونا اور محرم کی وجہ سے تقریب سادگی سے منعقد کی جائے گی۔