ویمن یونیورسٹی میں کشمیریوں کے ساتھ اظہار یکجہتی کےلئے واک

کشمیری بھائیوں اور بہنوں سے اظہار یکجہتی کے لیے دی ویمن یونیورسٹی ملتان ، کے سینئر فیکلٹی ممبران، اسٹاف اور طالبات کی قیادت میں دونوں کیمپسز میں یکجہتی واک کا انعقاد کیا۔
طالبات نے پلے کارڈز آویزاں کر کے بھارتی مقبوضہ کشمیر میں بھارتی مسلح افواج کے مظالم کو اجاگر کیا۔ ریلی کے شرکاء نے مسئلہ کشمیر اور مقبوضہ کشمیر میں انسانی حقوق کی خلاف ورزیوں پر روشنی ڈالی۔
وائس چانسلر پروفیسر ڈاکٹر عظمی قریشی نے کہا کہ مقبوضہ وادی دنیا کی سب سے بڑی جیل میں تبدیل ہو چکی ہے۔ انہوں نے کہا کہ وہ دن دور نہیں جب بھارت کو کشمیر پر ناجائز قبضہ ختم کرنا ہو گا۔ کشمیر کے بغیر پاکستان مکمل نہیں ہو گا۔کشمیر پاکستان کی ریڑھ کی ہڈی ہے۔ وزیراعظم پاکستان نے خود کو کشمیر کا سفیر کہا ہے۔کشمیر کا تنازع نسل یا رنگ کا مسئلہ نہیں ہے۔ یہ انسانیت کا مشترکہ مسئلہ ہے۔
ڈائریکٹر سٹوڈنٹس افیئرز ڈاکٹر عدیلہ سعید نے کشمیر کی اہمیت پر روشنی ڈالی اور بتایا کہ کس طرح بھارتی افواج نے اس پر ناجائز قبضہ کر رکھا ہے۔ انہوں نے کہا کہ آج تک مقبوضہ کشمیر بھارتی جبر کا شکار ہے۔
انہوں نے کہا کہ یہ دن ہمیں بہادر کشمیریوں کی لامحدود قربانیوں کی یاد دلاتا ہے جنہوں نے 74 سال پر محیط جبر اور بربادی کا عزم کیا ہے۔