پاکستان نے مقامی طورپرسولرپینلوں کی تیاری شروع کردی
پاکستان نے توانائی کے بحران پرقابو پانے کے لئے مقامی طوپررسولرپینلوں کی تیاری شروع کردی ہے اوریہ پینل فروخت کے لئے جلد مارکیٹ میں پیش کردیئے جائیں گے۔
ڈویلپنگ پاکستان نامی ویب سائٹ کے مطابق اس منصوبے پر کام کرنے والے پاکستانی ماہر ڈاکٹر نجیب اللہ نے بتایاکہ 2میگاواٹ کے سولر پینل بہت جلد مارکیٹ میں فروخت کے لئے پیش کردیئے جائیں گے۔
انہوں نے کہاکہ اس وقت جوسولرپینل استعمال کئے جارہے ہیں ان سے بجلی کی پیداوارمیں 60 روپے فی واٹ لاگت آرہی ہے، ہم جس معیار کے سولرپینل متعارف کرارہے ہیں اس سے پیداواری لاگت 48روپے فی واٹ رہ جائے گی اوراگلے مرحلے میں مزید کم ہوجائے گی۔
انہوں نے کہاکہ پاکستان اس وقت شمسی توانائی اور ہوا کی توانائی سے صرف 6فیصدبجلی حاصل کررہاہے۔ہم بجلی کے حصول کے لئے جوپینل درآمدکرتے ہیں وہ بھی پاکستان کے موسمی حالات میں اتنے موثرنہیں ہوتے،مقامی طورپرپینلوں کی تیاری میں پاکستان کے موسمی حالات کومدنظر رکھا جائے گااوران سے بجلی کی قلت کو کم کرنے میں مددملے گی۔
