پنجاب بھر کی یونیورسٹیاں اور کالجز دو اگست سے کھولنے کا اعلان

پنجاب بھر میں تمام سرکاری و نجی سکول،کالج اور یونیورسٹیز موسم گرما کی چھٹیوں کے بعد 2اگست کو دوبارہ کھل جائیں گی، اس ضمن میں سیکریٹری سکول ایجوکیشن اور سیکرٹری ہائر ایجوکیشن پنجاب نے الگ الگ نوٹیفیکیشن گزشتہ روز جاری کردیئے، نوٹیفیکیشن کے مطابق مذکورہ بالا تعلیمی اداروں میں ٹیچنگ اور نان ٹیچنگ سٹاف کی 100 فیصد کورونا ویکسینیشن کو یقینی بنانے کی ہدایت کی گئی ہے، بصورت دیگر سربراہان ادارہ ا س کے ذمہ دار ہوں گے۔