پیغام یونین نے ماہانہ کٹوتی غیر قانونی قرار دے دی
میپکو ایمپلائیز پیغام یونین کی ہائی کمان کا اجلاس زیر صدارت جناب خواجہ ظہور احمد بٹ ہوا۔
اجلاس میں کمیٹی کے اراکین چوہدری محمد نواز چدھڑ صوبائی سیکرٹری جنرل، ذوالفقار علی عباسی مرکزی چیئرمین، ملک خدا بخش بوسن سینئر نائب صدر، اللہ دتہ ساجد سیکرٹری جنرل، محمد سلیم عباس صدیقی ریجنل چیئرمین آپریشن اور اشفاق محمود انصاری مرکزی میڈیا کوآرڈینیٹر نے شرکت کی۔
مقررین کا کہنا تھا کہ میپکو انتظامیہ کی منسوخ شدہ یونین کے لئے محنت کشوں کی تنخواہوں میں سے ماہانہ چندہ کٹوتی کر کے سراسر غیر قانونی کام کر رہی ہے۔ پیغام یونین مطالبہ کرتی ہے کہ میپکو میں ریفرنڈم کرانے کی پروسیڈنگ جاری ہو چکی ہیں۔ قانونی طور پر سابقہ ریفرنڈم کی مدت ختم ہو چکی ہے۔ لہذا محنت کشوں کی تنخواہوں میں سے منسوخ شدہ یونین کے لئے چندہ کٹوتی کرنا غیر قانونی ہے۔ اس کو فی الفور بند کیا جائے۔
