کراچی کے ساحلی زون کو سی پیک میں شامل کرنا گیم چینجر ہے،:وزیر اعظم عمران خان

وزیراعظم عمران خان کا کہنا ہے کہ کراچی کے ساحلی زون کو سی پیک میں شامل کرنا گیم چینجرہے، ماہی گیروں کے لیے سمندر محفوظ بنائیں گے۔
سماجی رابطے کی سائٹ ٹوئٹر پر عمران خان نے لکھا کہ کم آمدنی والوں کے لیے 20ہزار گھریلویونٹس تیار کریں گے، سرمایہ کاروں کے لیے مواقع بھی فراہم کریں گے۔
وزیراعظم نے اپنے ٹوئٹ میں کہا کراچی کو دیگر ترقی یافتہ پورٹ سٹی کے برابر لائیں گے، ‘شاباش میری ٹائم’۔
قبل ازیں گورنر سندھ عمران اسماعیل نے کراچی والوں کو کئی خوشخبریاں ملنے کی نوید سنائی اور کہا کہ گرین لائن بسیں کراچی پہنچ چکی ہیں، اور اگلے دس دنوں میں گرین لائن بسز کو چلانا شروع کردیں گے۔
ان کا کہنا تھا کہ وزیر اعظم عمران خان کل کے سی آر کا سنگ بنیاد رکھنے آرہے ہیں مستقبل میں کے فور منصوبے پر بھی کام شروع کیا جائے گا۔