کرکٹ ایمپائر نسیم رضا قادری بقضائے الٰہی سے وفات پا گئے

ملتان ریجن کرکٹ ایمپائرز ایسوسی ایشن کے رکن سینئر ایمپائر محمد نسیم رضا قادری مختصر علالت کے بعد انتقال کر گئے۔

ان پر فالج کا حملہ ہواتھا،جو کہ جان لیوا ثابت ہوا۔مرحوم کی نماز جنازہ حسن پروانہ جنازہ گاہ میں ادا کی گئی،جس میں محمد جمیل کامران،ارشاد سونی، منظور لطیفی، ندیم خضری، ندیم اقبال، محمد آ صف، محمد مرسلین، بلال حنیف، نورالدین قمر، الیاس پیرو، توقیر قریشی، امجد رزاق بھٹہ سمیت کھیلوں سے وابستہ افراد کی کثیر تعداد نے شرکت کی۔

اس موقع پر مرحوم کی روح کے ایصال ثواب کیلئے فاتحہ خوانی کی گئی اور لواحقین کے لیے صبرو جمیل کی دعا کی گئی۔