کشمیر پاکستان کا اٹوٹ انگ ہے

بہاء الدین زکریایونیورسٹی ملتان کے وائس چانسلر پروفیسر ڈاکٹر منصو راکبر کنڈی نے کہا ہے کہ کشمیر پاکستان کا اٹوٹ انگ ہے۔ پاکستان اور کشمیر کے لوگ ایک دوسرے سے بنے پناہ محبت کرتے ہیں۔ اور کشمیر کی آزادی میں قربانی دینے والے کشمیریوں کو کبھی فراموش نہیں کیاجاسکتا ۔
زکریایونیورسٹی شعبہ سیاسیات کے زیراہتمام کشمیریوں کے یوم سیاہ کے موقعہ پر خطا ب کرتے ہوئے وائس چانسلر نے مزید کہاکہ ہمیں قلم اور زبان کے ذریعہ کشمیریوں پرڈھائے جانیوالے مظالم کے خلاف آواز اٹھانی چاہیے۔
چیئرمین شعبہ سیاسیات پروفیسر ڈاکٹر مقرب اکبر نے کہاکہ کشمیر پاکستان کی شہ رگ ہے اور اسے پاکستان سے کوئی جدا نہیں کرسکتا ۔ انہوں نے کہاکہ ایک دن آئے گا کہ کشمیریوں کی قربانیاں رنگ لائیں گی اور کشمیر میںنہ صرف ظلم و تشدد بند ہوگا بلکہ کشمیر پاکستان کا حصہ ہوگا۔
اس موقعہ پر طاہرمحمود و دیگر فیکلٹی ممبران اور طلباء طالبات کی بڑی تعداد موجود تھی۔
تقریب کے اختتام پر کشمیریوں سے اظہار یکجہتی کے لیے ریلی بھی نکالی گئی۔