کورونا ایس او پیز کی خلاف ورزی

شہرمیں کورونا ایس او پیز کی خلاف ورزی کرنیوالوں کے خلاف سخت کریک ڈاون کے دوران گزشتہ 48 گھنٹوں میں 8افراد کو گرفتار کیا گیا ہے۔پابندی کے باوجود شادی کی تقریب منعقد کرنے پر شجاع آباد میں دولہا کے خاندان کے سربراہ کے خلاف مقدمہ درج کر لیا گیا جبکہ شادی کی تقریب کے لئے کیٹرنگ کا سامان فراہم کرنے والے ٹینٹ سروس کے مالک کے خلاف بھی تھانے میں پرچہ کٹ گیا ہے۔ضلع میں 26 دکانوں اور 1ریسٹورنٹ کو سیل کیا گیا۔بغیر ماسک کے سواریاں بٹھانے پر 14 بسوں کو تحویل میں لے گیا اور ایس او پیز کی خلاف ورزی پر21 بسوں کو چالان کیا گیا۔کورونا ایس او پیز پر عمل نہ کرنیوالوں پر1لاکھ 47ہزار روپے جرمانہ عائد کیا گیا ہے۔