گورنمنٹ ہائی سکول قاسم بیلہ میں تعزیتی ریفرنس کا انعقاد

ریفرنس میں گذشتہ دنوں انتقال کر جانے والے سکول ٹیچر راو ذوالفقار علی کی روح کو ایصال ثواب کیلئے فاتحہ خوانی کی گئی۔

اجلاس میں وقاص مصطفی’ چودھری اشفاق’ عاشق شاکر ‘چودھری فاروق سمیت تمام سٹاف ممبران اور اہل علاقہ نے شرکت کی۔
تعزیتی ریفرنس سے خطاب کرتے ہوئے مولانا محمد طاہر فاروقی نے کہا کہ ہمیں دائمی زندگی کی تیاری کرنی چاہیے اس موقع پر ہیڈ ماسٹر میاں یاسین رمضان کمبوہ نے خطاب کرتے ہو ئے کہا کہ ہمارے محنتی ‘ قابل اور مخلص ساتھی کی کمی کبھی پوری نہیں ہو سکتی۔تقریب کے اختتام پر مرحوم کی مغفرت کیلئے دعا کرائی گئی۔