نئے تعمیر ہونے والے اور اپ گریڈ ہونے والے سکولوں کےلئے اساتذہ کی اسامیوں کی تعداد طلب

محکمہ سکولز نے نئے تعمیر ہونے والے اور اپ گریڈ ہونے والے سکولوں کےلئے اساتذہ کی اسامیوں کی تعداد طلب کرلی۔
اس سلسلے میں جاری مراسلے میں کہاگیا ہے کہ پنجاب بھر کی ایجوکیشن اتھارٹیز کے سی ای او نئے بننے والے اور اپ گریڈ ہونے والے سکولوں میں اساتذہ اور عملے کی اسامیوں کی تفصیل سکول انفارمیشن سسٹم میں اپ لوڈکریں۔
اس کے ساتھ نئی اسامیاں قائم کرنے کی منظوری کا مراسلہ بھی اپ لوڈ کریں تمام سی ای اوز یہ اسائمنٹ سات دسمبر کی شام تک لازمی مکمل کریں تاکے دسمبر میں ہونے والے اساتذہ کے تبادلوں میں مدد گار ثابت ہو۔