انسٹی ٹیوٹ آف فوڈ سائنسز کے ایک اور سکالر کو پی ایچ ڈی کی ڈگری ایوارڈ

انسٹی ٹیوٹ آف فوڈ سائنس اینڈ نیوٹریشن بہاء الدین زکریایونیورسٹی ملتان کے پی ایچ ڈی سکالر محمد وسیم نے اپنے مقالے کا کامیاب مجلسی دفاع کیا۔

ڈاکٹر محمد وسیم کے پی ایچ ڈی مقالے کے سپروائزر ڈائریکٹر انسٹی ٹیوٹ فوڈ سائنس اینڈ نیوٹریشن پروفیسر ڈاکٹر سعید اختر اور ڈاکٹر طارق اسماعیل جبکہ ایکسٹرنل سپروائزر پروفیسر ڈاکٹر نزہت ہما ڈائریکٹر نیفسٹ فیصل آباد بھی مجلسی دفاع کے موقع پر موجود تھیں۔

ڈاکٹر محمد وسیم نے مقالے کا دفاع کرتے ہوئے بتایا کہ اس تحقیق سے ملک کے اندر موجود عوام میں خوراک کے مختلف مسائل کا حل ملے گا اور سبزیوں کی اہمیت اجاگر ہوگی۔

آخر میں شرکاء نے سوالات کیے جن کا ڈاکٹر محمد وسیم نے کامیابی سے جواب دیا ۔

ڈاکٹر وسیم کو آخر میں سب شرکاء نے مبارک باد دی اور مستقبل کے لیے نیک خواہشات کا اظہار کیا۔