سپیشل الاؤنس کی ریکوری شروع، فنانس ڈیپارٹمنٹ کا مراسلہ جاری

فنانس ڈیپارٹمنٹ نے پہلے سے الاونس لینے والے سرکاری ملازمین سے ریکوری کا حکم دے دیا۔

اس سلسلے میں جاری مراسلے میں کہا گیا ہے کہ کچھ محکموں کے ملازمین پہلے سے خصوصی الاؤنس لے رہے ہیں وہ 25فیصد سپیشل الاونس لینے کے لئے اہل نہیں ہیں اس لئے ان سے ریکوری کی جائے۔

جن محکموں کے ملازمین سے ریکوری کرنی ہے ان میں لیڈی ہلیتھ سپروائزر(یہ پہلے سے 5 ہزار روپے الاونس لے رہی ہیں ،)محکمہ زراعت کے ریسرچ آفیسر( یہ بھی پہلے سے اپنی بنیادی تنخواہ کا 25 فیصد ریسرچ الاؤنس لے رہے یں ) اسسٹنٹ ایجوکیشن آفیسر ( یہ 25ہزار روپے ماہانہ اضافی لے رہے ہیں )۔

تحصیل دار، نائب تحصیلدار( بالترتیب 14 ہزار اور سات ہزارماہانہ لے رہے ہیں )۔

آڈٹ برانچ کے افسر اور ملازمین ( جو بنیادی تنخواہ کا 20فیصد الاونس لے رہیں ) شامل ہیں جو 25 فیصد لاونس کے اہل نہیں ہیں ۔