عمران خان نے تحریک انصاف کی مرکزی اور صوبائی تنظیموں کیلئے نام طلب کرلیے

وزیر اعظم عمران خان سے پارٹی کے اہم رہنماؤں نے ملاقات کی جن میں اسد عمر، عامر کیانی، علی زیدی، شفقت محمود، پرویز خٹک اور قاسم سوری شامل ہیں۔

ملاقات میں تحریک انصاف کی تنظیم سازی پر مشاورت کی گئی اور فیصلہ کیا گیا کہ پہلے مرحلے میں مرکزی تنظیم کے عہدیدار نامزد کیےجائیں گے۔

اجلاس میں فیصلہ کیا گیا کہ پنجاب، خیبر پختونخوا، سندھ، بلوچستان اور جنوبی پنجاب کے لیے بھی نامزدگیاں کی جائیں گی۔

وزیر اعظم عمران خان نے مرکزی اور صوبائی تنظیموں کیلئے نام طلب کرلیے اور ہدایت کی کہ تحریک انصاف کی مرکزی اور صوبائی تنظیموں کیلئے عہدیداروں کے نام ایک ہفتے میں بھیجے جائیں۔