ایچ ای سی نے کورونا کو کمائی کا ذریعہ بنالیا، ڈگریوں کی تصدیق نے طلباء کو خوار کردیا

ہائیر ایجوکیشن کمیشن کی طرف سے 21 مہینوں سے طلباء کی ڈگریوں کی فزیکل ویری فیکیشن پر پاپندی عائد ہے، مگر 5000 روپے اضافی دینے والے طلباء کیلئے ڈگریوں کی فوری فزیکل تصدیق کی سہولت موجود ہے۔

ایچ ای سی نجی کوریئر سروس کے ذریعے سے طلباء کی ڈگریوں کی تصدیق کر رہی ہے۔نارمل فیس سے ڈگریوں کی فزیکل ویری فیکیشن بند ہونے سے طلباء کی ڈگریوں کی تصدیق کو 45 روز لگتے ہیں ۔

طلباء نے وزارت تعلیم سے ہائیر ایجوکیشن کمیشن کی دوہری پالیسی ختم کرانے کا مطالبہ کیا ہے۔