سکول انفارمیشن سسٹم بیٹھ گیا

اساتذہ کے تبادلوں کے آرڈرز سکول انفارمیشن سسٹم پر اپ لوڈ ہونے کے بعد غائب ہوگئے۔
ایس آئی ایس میں خرابی نے اساتذہ کو پریشان کردیا اساتذہ کے تبادلوں کے آرڈرز جمعرات کی رات بارہ بجے سکول انفارمیشن سسٹم پر اپ لوڈ کیے گئے تھے جو تھوڑی دیر بعد ہی غائب ہوگئے، جس کے باعث ہزاروں اساتذہ اپنے تبادلوں کے آرڈز کے حصول کیلئے خوار ہوگئے، تبادلوں کے آرڈرز پانچ جنوری اور سکولوں میں جوائننگ چھ جنوری کو دی جاناتھی۔

ذرائع کا کہنا تھا کہ کیو آر کوڈ غیر متعلقہ تھے، جس کی وجہ سے خرابی ہوئی جن کوٹھیک کیا جارہاہے۔

محکمہ سکولز کا کہنا ہے کہ ویب سائٹ میں موجود خامی کو دور کرنے کی کوشش کررہے ہیں، جلد ٹھیک کرلی جائے گی، اساتذہ کو کسی صورت پریشان ہونے کی ضرورت نہیں ۔