ملتان کالج آف آرٹس میں یو آئی ٹی ایم ملائیشیاء کے ساتھ مل کر پانچ روزہ گرینڈ سمپوزیم کا انعقاد

ملتان کالج آف آرٹس بہاء الدین زکریا یونیورسٹی ملتان نے یو آئی ٹی ایم ملائیشیاء کے ساتھ مل کر پانچ روزہ گرینڈ سمپوزیم کا انعقاد کیا۔
سمپوزیم میں وائس چانسلر پروفیسر ڈاکٹر منصور اکبر کنڈی ، ڈین پروفیسر ڈاکٹر عمران شریف چوہدری ، پرنسپل ملتان کالج آف آرٹس ڈاکٹر صوفیہ عمر اور فیکلٹی ممبران اور ملائیشیاء سے عبدالعزیز الغنی نے اپنی ٹیم کے ہمراہ شرکت کی۔
پرنسپل ملتان کالج آف آرٹس ڈاکٹر صوفیہ عمر نے سمپوزیم کے بارے بتایا کہ اس سمپیوزیم کا مقصد دونوں ملکوں کی ثقافت کو آرٹ کے حوالوں سے سمجھنا ہے تاکہ دونوں طرف کے طلباء و اساتذہ کے درمیان متعلقہ مضامین کے حوالے سے علوم کا تبادلہ ممکن ہوسکے۔

انہوں نے کہاکہ سمپوزیم سے متعلق تمام تر تفصیل ملتان کالج آف آرٹس سے حاصل کی جاسکتی ہے۔