ڈاکٹر مسعود اختر نے یونیورسٹی ڈسپلن کمیٹی کی سربراہی سے استعفیٰ دے دیا

بہاء الدین زکریا یونیورسٹی ملتان کے سینئر پروفیسر اور ڈین فیکلٹی آف ویٹرنری سائنسز ڈاکٹر مسعود اختر نے یونیورسٹی ڈسپلن کمیٹی کی سربراہی سے استعفیٰ دے دیا۔

وائس چانسلر پروفیسر ڈاکٹر منصور اکبر کنڈی کو بھیجے گئے استعفیٰ میں ڈاکٹر مسعود اختر نے موقف اختیار کیا کہ وہ 2019ء سے بطور سربراہ ڈسپلن کمیٹی اپنے فرائض نہایت ایمانداری سے ادا کرتے آئے ہیں اور اس دوران انہوںنے کوشش کی کہ جامعہ زکریا کے وقار میں اضافے  اور اس کے بہترین مفاد میں فیصلے کیے جائیں۔

تاہم اب ذاتی وجوہات کی بنا پر ان کیلئے یہ عہدہ برقرار رکھنا ممکن نہیں رہا، لہذا وہ ڈسپلن کمیٹی کی سربراہی سے استعفیٰ دے رہے ہیں۔