پارکنگ سٹینڈ مافیا کے خلاف کریک ڈاؤن مزید تیز

ڈپٹی کمشنر ملتان عامر کریم خاں کی ہدایت پر ضلعی انتظامیہ نے پارکنگ سٹینڈ مافیا کے خلاف کریک ڈاؤن مزید تیز کردیا ہے۔

اس سلسلے میں ہسپتالوں میں زائد پارکنگ فیس وصول کرنے والے 5 ٹھیکدار گرفتار کرلئے گئے ہیں۔

اسسٹنٹ کمشنر سٹی خواجہ عمیر محمود نے گزشتہ روز مخلتف ہسپتالوں کی خفیہ انسپکشن کی تو شہباز شریف ہسپتال،فاطمہ جناح،چلڈرن اور ڈی ایچ کیو کے پارکنگ سٹینڈ پر زائد فیس وصول کی جارہی تھی ،جس پر اوور چارجنگ ایکٹ کے تحت ملزمان کے خلاف قانونی کارروائی کی گئی۔

اے سی سٹی خواجہ عمیر محمود کا کہنا تھا کہ پارکنگ فیس کے ذریعے عوام کی جیبوں پر ڈاکہ قابل قبول نہیں، ڈپٹی کمشنر نے سرکاری فیس کی وصولی یقینی بنانے کا ٹاسک دیا ہے۔