ای روزگار پروگرام کے نئے مرحلے میں داخلے شروع
ای روزگار سنٹر این ایف سی انسٹٹیوٹ آف انجینئرنگ اینڈ ٹیکنالوجی ملتان میں محکمہ یوتھ افیئرز اینڈ اسپورٹس حکومت پنجاب اور پنجاب انفارمیشن ٹیکنالوجی بورڈ کے اشتراک سے ای روزگار پروگرام کے نئے مرحلے میں داخلے شروع ہوگئے۔
لیب مینجر حماد انصاری کے مطابق ای روزگا پرگرام کے ذریعے ڈیجیٹل سکلز اور فری لانسنگ کی مفت تربیت دی جائے گی ۔
مفت کورسز میں ای کامرس,یو آئی/یو ایکس، ٹیکینکل,کانٹینٹ مارکیٹنگ اینڈایڈورٹائزنگ,کریئیٹو ڈیزائننگ، ڈیجیٹل اینڈ سوشل میڈیا مارکٹنگ اور موبائل ایپ ڈویلپمنٹ شامل ہیں۔
طلبہ کو فری لانسنگ کا تعارفی کورس‘پروفائل بنانے اور آرڈر لینے کی تربیت دی جائے گی، اور تین ماہ کی تربیت کی تکمیل پر اسناد دی جائیں گی ۔
ای روزگار سنٹرزمیں فراہم کی جانے والی مفت تربیت سے نوجوان گھربیٹھے روزگار کمانے کا ہنر سیکھتے ہیں۔
معاشی خود مختاری کے سفر کے آغاز کے لیے ای روزگار کی ویب سائٹ پر آن لائن درخواست دی جا سکتی ہے۔
ای روزگار پروگرام میں داخلے کیلئے کم از کم 16 سالہ تعلیم ضروری ہے ۔
