خواتین اساتذہ کی گریڈ 20 میں ترقیوں کی منظوری

سرکاری کالجوں کی خواتین اساتذہ کی گریڈ 20 میں ترقیوں کی منظوری دے دی گئی ہے۔

بتایا گیا ہے کہ پنجاب کے سرکاری کالجوں میں تعینات ایسوسی ایٹ پروفیسرز کو گریڈ 20 میں ترقیاں دے دی گئی ہیں۔

وزیر اعلیٰ پنجاب نے صوبائی پروموشن بورڈ کی سفارشات پر منظوری دے دی ہے جس پر محکمہ ایس اینڈ جی اے ڈی کی جانب سے نوٹی فکیشن بھی جاری کر دیا گیا ہے۔

گریڈ 20 میں ترقیاں پانے والی خواتین اساتذہ کو عہدوں پر جوائننگ کی ہدایت کی گئی ہے۔

پنجاب کے 32 سرکاری کالجوں کے اساتذہ کو اگلے گریڈز میں ترقیاں دی گئی ہیں۔