پنجاب ایجوکیشن فاؤنڈیشن نے نئے کیمپس کھولنے کا فیصلہ کرلیا

پیف نے پنجاب بھر میں نئے کیمپس کھولنے کافیصلہ کیا ہے ۔

اس سلسلے میں جاری مراسلے میں کہاگیاہے کہ منسوخ شدہ سکولوں کے متبادل نئے کیمپس کے اجراء اور فعال سکولوں کو پارٹنر شپ میں لینے کے پہلے مراحلہ مکمل کرلیا ہے ۔

اس فہرست میں شامل سکول انتظامیہ کو ہدایت کی گئی ہے کہ وہ دس ہزار روپے کی پروسسنگ فیس فاؤنڈیشن کے اکاونٹس میں جمع کرائیں ، جو سات مارچ تک درخواست کے ساتھ صدر دفتر میں پہنچ جانی چاہیے۔

جس پروگرام کےلئے درخواست دی ہے اس کا نام لکھنا ضروری ہوگا، جو کیمپس بنانا چاہتا ہے وہ منسوخ شدہ سکول کے قریب واقع ہو ، اس کی تصاویر دستاویزات بھی درخواست کے ساتھ ارسال کی جائیں گی ۔

ابتدائی طور پر سکولوں پری کیو اے ٹی کو پاس کرنا ضروری ہوگا ، تمام پروگرام کے درخواست دینے والوں کا حتمی انتخاب فزیکل معائنہ کے بعد کیا جائے گا۔