زکریا یونیورسٹی ملتان میں ایک روزہ تربیتی ورکشاپ

بہاء الدین زکریا یونیورسٹی ملتان میں ایک روزہ تربیتی ورکشاپ کا افتتاح قائم مقام وائس چانسلر پروفیسر ڈاکٹر علیم احمد خان نے کیا ۔

یہ ورکشاپ ڈائریکٹر کوالٹی انہانسمنٹ ڈاکٹر محمد فاروق نے آرگنائز کی، اور ڈاکٹر نجم الحق نے اس پر لیکچر دیا۔

ورکشاپ سے خطاب کرتے ہوئے پروفیسر ڈاکٹر علیم احمد خان نے کوالٹی انہانسمنٹ بہاء الدین زکریا یونیورسٹی کے شعبہ کی خدمات کو سراہا ، اور اورک کے ڈائریکٹر ڈاکٹر نجم الحق کا شکریہ ادا کیا، جنہو ں نے اس ورکشاپ کے لیے معاونت فراہم کی۔

کثیر تعداد میں یونیورسٹی اساتذہ اور ریسرچر نے شرکت کی ، اور سیر حاصل بحث پر تمام حصہ لینے والے ریسرچر نے اس ورکشاپ کو نہایت مفید قرار دیا۔

آج بھی ریسرچ کوالٹی پر سیمینار منعقد کیاجائے گا۔