ایمرسن یونیورسٹی ملتان کے وائس چانسلر کی تعیناتی کےلئے اسامی دوبارہ سے مشتہر کرنے کافیصلہ

وزیر اعلیٰ پنجاب نے پنجاب کی یونیورسٹیوں میں وائس چانسلرز کی تعیناتی کےلئے نئی سرچ کمیٹی قائم کردی ، جس کے سربراہ نسٹ کے ریکٹر لیفٹینٹ جنرل(ر) جاوید محمود بخاری ہوں گے، جبکہ ممبران میں پروفیسر ڈاکٹر اکمل حسین (اکنامسٹ ) سید طاہر شہباز (سابق بیوروکریٹ) چیئرپرسن پنجاب ہائرایجوکیشن کمیشن پنجاب ، سیکرٹری ایچ ای ڈی شامل ہوں گے۔

دریں اثنا ایمرسن یونیورسٹی ملتان میں وائس چانسلر کی تعیناتی کےلئے اسامی دوبارہ مشتہر کرنے کافیصلہ کیاگیا ہے۔

نئی سرچ کمیٹی جلدا س کا اشتہار جاری کرے گی ۔

واضح رہے کہ سرگودھا یونیورسٹی کے ایک پروفیسر نے ایمرسن کے وائس چانسلر کےلئے ہونے والے انٹرویو بارے عدالت عالیہ سے رجوع کررکھا ہے ۔