اہل فلسطین اور حماس کے مسلسل جدوجہد اور قربانیوں سے اسرائیل کو گھٹنے ٹیکنے پڑے : ناظم اسلامی جمعیت طلبہ

ناظم اسلامی جمعیت طلبہ پنجاب جنوبی سعد سعید نے کہا کہ جنگ بندی کا اعلان ہونے پر اہل فلسطین جشن منا رہے ہیں اسلامی جمعیت طلبہ جہاں فلسطینیوں پر مظالم کے خلاف مسلسل احتجاج کر رہی تھی وہیں اہل فلسطین کی کامیابی کو بھرپور طریقے سے مناتے ہوئے آج کا دن یوم الفتح کے طور پر منائے گی ۔
انہوں نے مزید کہا کہ تاریخ نے آج پھر اپنے آپ کو دہرایا ہے ازل سے تاابد معرکہ حق و باطل برپا رہے گا ہمیشہ فتح اہل حق کی ہوگی اور یہ جنگ یاکشمکش مادی اور عسکری طاقت کے بل بوتے پر نہیں بلکہ ایمان و توکل اور حکمت اور صبر کے ہتھیاروں سے لڑی اور جیتی جاتی رہے گی۔