اپوزیشن غیرملکی پیسوں پر سازش کررہی ہے ، قوم معاف نہیں کرے گی: شیخ رشید

وزیر داخلہ شیخ رشید کا کہنا ہے کہ سوال ہی پیدا نہیں ہوتا کہ عمران خان استعفیٰ دیں، وزیراعظم عمران خان آخری بال تک لڑے گا۔

وزیر داخلہ شیخ رشید نے کابینہ کے خصوصی اجلاس کے بعد میڈیا سے گفتگو کرتے ہوئے کہا کہ آج ڈیڑھ دوگھنٹہ ایمرجنسی میٹنگ ہوئی، خط کے مندرجات کابینہ کے سامنے رکھے گئے اور کابینہ نے وزیراعظم کی قیادت پر مکمل اعتماد کا اظہار کیا ہے۔

شیخ رشید کا کہنا تھا کہ وزیراعظم آج شام کو قوم سے خطاب کریں گے، سوال ہی پیدا نہیں ہوتا کہ عمران خان استعفیٰ دیں، وزیراعظم عمران خان آخری بال تک لڑے گا، اتوار کے روز ووٹنگ پر کپتان آخری گیند تک لڑے گا۔

وزیر داخلہ نے کہا کہ یہ ڈان لیکس اور میموگیٹ والی اپوزیشن ہے، یہ ملک دشمنوں، غیرملکی سرمایہ پرسیاست کرنےوالے ہیں، اپوزیشن غیرملکی پیسوں پر سازش کررہی ہے ، قوم معاف نہیں کرے گی۔

ان کا مزید کہنا تھا کہ ہوسکتاہے ان کیمرہ قومی اسمبلی اجلاس ہو ، وزیراعظم یا وزیر خارجہ ان کیمرہ سیشن سے خطاب بھی کرسکتے ہیں۔

اتحادیوں کے حوالے سے شیخ رشید نے کہا کہ اتحادی جو چھوڑ کر گئے ہیں اس پر بھی تبصرہ کریں گے، 2دن کی بات ہے۔