سکول میں بچوں پر تشدد اب نہیں چلے گا،قانونی سازی کےلئے مسودہ تیار

سکولوں میں تشدد کے واقعات کی روک تھام کے لئے نئی قانون سازی کا مسودہ تیار کرلیا گیا، مسلسل3 بار طالبعلم پر تشدد کرنے پر ٹیچر کا نوکری سے فارغ کردیا جائے گا۔

محکمہ سکولز حکام کا کہنا ہے کہ طلبا کے ساتھ تعلیمی اداروں میں ہونے والے تشدد کے واقعات کی روک تھام کے لئے قانون سازی کی جاری ہے اس حوالے سے مسودہ تیار کرلیا گیا، تیار کئے گئے مسودہ میں بیان کیاگیا کہ پہلی بار ٹیچر کےتشدد کرنے پر 20 ہزار روپے جرمانہ کیاجائے گا، دوسری بار طلبا پر تشدد کرنے پر ٹیچر کے خلاف کارروائی یا انکریمنٹ روک لیاجائے گا، تیسری بار تشدد کیاگیا تو متعلقہ ٹیچر کو نوکری سے فارغ کردیاجائے گا،مسودے کو قانونی شکل دینے کے صوبائی کابینہ سے منظوری لی جائے گی۔