اساتذہ کو کنوینس الاؤنس دینے کےلئے اکاؤنٹس آفس کو مراسلہ تحریر

ڈینگی ڈیوٹیاں دینے والے اساتذہ کو کنوینس الاؤنس دینے کےلئے اکاؤنٹس آفس کو مراسلہ تحریر کردیاگیا۔

محکمہ اکاؤنٹس نے ڈینگی ڈیوٹی دینے والے اساتذہ کا کنوینس الاؤنس کاٹ لیا تھا ، اور جن کو ادائیگی ہوگئی تھی ان کی تنخواہوں سے واپس لے لیا جس سے اساتذہ میں پریشانی پائی جاتی تھی۔

جس پر سی ای اوز ملتان نے دو روز قبل کہا تھاکہ یہ اساتذہ کا حق ہے ان کو ملے گا ، جس پر اکاؤنٹس آفس کومراسلہ تحریر کردیاگیا ہے کہ اساتذہ کو قانون کے مطابق کنوینس الاؤنس دیاگیا تھا ، اس پر اعتراض درست نہیں ان کو الاؤنس کی رقم دی جائے ۔