سرکاری ریونیو نادھندگان کے خلاف گھیرا تنگ

ضلعی انتظامیہ ملتان نے سرکاری ریونیو نادھندگان کے خلاف گھیرا تنگ کردیا ہے ۔

اس سلسلے میں گزشتہ روز کارروائی کے دوران مظفر آباد کے عمر حیات کو 5 لاکھ سے زائد زرعی انکم ٹیکس ادا نہ کرنے پر گرفتار کرلیا گیا۔

اس موقع پر اسسٹنٹ کمشنر سٹی خواجہ عمیر محمود نے 5 لاکھ سے زائد زرعی انکم ٹیکس ریکوری بھی کی۔

اسسٹنٹ کمشنر سٹی خواجہ عمیر محمود نے کہا کہ ڈپٹی کمشنر نے سرکاری واجبات کی وصولی کا ٹاسک دیا ہے۔

سرکاری نادھندگان کی جائیدادوں کو بلاک کیا جائے گا۔

خواجہ عمیر محمود نے بتایا کہ نادھندگان کے گھروں پر نوٹس اور اعلانات بھی کرائیں گے۔