حکومت کا سی پیک اتھارٹی کو بند کرنے کا فیصلہ

حکومت نے پاک چین اقتصادی راہداری سے متعلق قائم سی پیک اتھارٹی کو ختم کرنے کا فیصلہ کیا ہے ،جس کیلئے نئے وزیر منصوبہ بندی احسن اقبال نے ہدایات جاری کردیں۔

حکومت نے سی پیک اتھارٹ کو غیر فعال قرار دیتے ہوئے اسے بند کرنے کا فیصلہ کیا ہے۔

اس حوالے سے وزیر منصوبہ بندی احسن اقبال نے بتایا کہ جلد ہی وزیر اعظم شہباز شریف کو ایک سمری ارسال کی جارہی ہے کہ وہ سی پیک اتھارٹی کو ختم کردیں، کیونکہ یہ ادارہ ایک بوجھ بن گیا ہے جس پر بے تحاشا وسائل ضائع کئے جارہے ہیں، جبکہ سی پیک منصوبوں پر عمل درآمد سست روی کا شکار ہے۔