کمشنر ملتان کا انسداد ڈینگی مہم براہ راست مانیٹرنگ کرنے کا فیصلہ

کمشنر ملتان ڈویژن ڈاکٹر ارشاد احمد نے انسداد ڈینگی مہم کی براہ راست مانیٹرنگ کا فیصلہ کرتے ہوئے دوران میٹنگ محکمہ صحت سے ڈینگی لاروا منگوا کر بریفننگ لی۔

اںہوں نے قنسداد ڈینگی مہم میں تیزی لانے کا حکم دیتے ہوئے کہا کہ عوام کو ڈینگی لاروا کی شناخت اور تلفی پر آگاہی دی جائے۔

ڈینگی لاروا ملنے پر کمرشل عمارات سیل کرکے مقدمات درج کئے جائیں۔کسی بھی مقام پر پانی جمع نا ہونے دیا جائے۔ خشک اور صاف ماحول ڈینگی سے پاک ملتان ڈویژن کا ضامن ہے۔

اس موقع پر بریفنگ دیتے ہوئے بتایا گیا کہ ڈویژن میں انسداد ڈینگی ایس او پیز کی خلاف ورزی پر 62 نوٹس جاری کئے گئے ہیں۔

کورونا ویکسینیشن فرسٹ ڈوز میں 95٪،سیکنڈ ڈوز میں 87٪ٹارگٹ حاصل کیا جاچکا ہے۔

اجلاس میں ڈپٹی کمشنرز، ڈائیریکٹر ہیلتھ سروسز نے تفصیلی بریفنگ دی۔