ضلعی انتظامیہ ملتان کی ممکنہ سیلاب سے نمٹنے کے لئے پیشگی تیاریاں جاری

ضلعی انتظامیہ ملتان کی ممکنہ سیلاب سے نمٹنے کے لئے پیشگی تیاریاں جاری ہیں اور ڈپٹی کمشنر علی شہزاد کی ہدایت پر انتظامیہ کے افسران متحرک ہیں۔

اسسٹنٹ کمشنر سٹی خواجہ عمیرمحمود نے اربن فلڈنگ سے نمٹنے کی استعداد جانچنے کے لئے واسا ہیڈآفس کا دورہ کیا۔ا

س موقع پر انہیں بتایا گیا کہ شدید بارشوں کی صورت میں نشیبی علاقوں سے پانی کی نکاسی کے لئے12 سکر اور12 فلیشر موجود ہیں ،جبکہ دو شفٹوں میں سٹاف تعینات کرنے کے لئے ہیومن ریسورس بھی واسا کے پاس دستیاب ہے۔

اسسٹنٹ کمشنر سٹی نے سٹی تحصیل میں واقع 5 مجوزہ فلڈ ریلیف کیمپس کے قیام کے لئے موضع لنگڑیال،بی ایچ یو قاسم بیلہ، محمدپور گھوٹہ،جلال آباد اور ٹھٹھی میں واقع سائیٹس کا بھی جائزہ لیا۔

اسسٹنٹ کمشنر سٹی نے سٹی تحصیل میں فلڈ فائٹنگ کے انتظامات کے حوالے سے ڈپٹی کمشنر کو رپورٹ ارسال کر دی ہے۔