گرین اینڈ گرے منصوبہ کے سلسلے میں اہم اجلاس
سیکرٹری محکمہ سکولز ایجوکیشن کی ہدایت پر ڈی او سیکنڈری ڈسٹرکٹ ملتان شیخ محمد رفیق کے زیر انتظام گرین اینڈ گرے منصوبہ کے حوالے سےڈسٹرکٹ ملتان کے تمام ڈپٹی ڈی اوز زنانہ و مردانہ کی میٹنگ منعقد کی گئی۔
میٹنگ میں شیخ محمد رفیق نے کہا کہ سکولز میں طالبعلموں کی ذھنی و جسمانی صلاحیتوں کو اجاگر کرنے کیلئے تعلیم کے ساتھ ساتھ غیر نصابی سرگرمیاں خصوصا سپورٹس بہت ضروری ہیں ۔
گرین اینڈ گرے منصوبے کے تحت تمام سکولز کے ڈپٹی ڈی اوز کو ہدایات جاری کی جاتی ہیں کہ اپنے سکولز میں سپورٹس گراؤنڈ کی مرمت و صفائی ستھرائی کا مکمل خیال رکھیں، اور شجرکاری کے حوالے سے تمام سکولز سربراہان پھولدار گملوں کا انتظام اپنے سکولز میں کریں۔
میٹنگ میں تمام ڈپٹی ڈی اوز زنانہ ومردانہ نے اپنے زیر انتظام سکولز کی سپورٹس گراونڈ گرین اینڈ گرے منصوبے کے حوالے سے ڈی او سیکنڈری ڈسٹرکٹ ملتان شیخ محمد رفیق کو تفصیلی بریفنگ بھی دی۔
