غیر قانونی ایل پی جی سلینڈر کی حامل کمرشل گاڑیوں کیخلاف کریک ڈاؤن

ڈپٹی کمشنر ملتان محمد طاہر وٹو کی ہدایت پر ضلعی انتظامیہ نے غیر قانونی ایل پی جی سلنڈر کی حامل کمرشل گاڑیوں کیخلاف کریک ڈاؤن کیا، اور مخلتف مقامات سے 8 ویگنیں تھانہ بند کرکے 8 ڈرائیورز بھی گرفتار کرلئے گئے ۔

سیکرٹری آر ٹی اے رانا محسن نے شہر کے مختلف علاقوں میں آپریشن کیا، اس موقع پر درجنوں ویگنوں اور رکشوں سے سلینڈر اتار کر قبضے میں لے لئے گئے۔

ڈپٹی کمشنر طاہر وٹو نے کہا کہ انسانی جانوں کے تحفظ کیلئے کسی صورت سمجھوتہ نہیں کرینگے، جبکہ کمرشل گاڑیوں میں ناقص سلنڈر لگانے پر مالک کیخلاف مقدمہ درج ہوگا۔

طاہر وٹو نے کہا کہ اوور چارجنگ اور اوور لوڈنگ کے خلاف بھی کریک ڈاؤن جاری رہے گا۔