6 تعلیمی بورڈ کے چیئرمینوں کا چارج کمشنر کے پاس ہوگا

پنجاب کے 6 تعلیمی بورڈز کے چیئرمینوں کی تعینات موخر کردی گئی، چارج کمشنر کے پاس ہوگا۔

بتایاگیا ہے کہ پنجاب کے چھ تعلیمی بورڈ جن میں بہاولپور، ڈی جی خان ، فیصل آباد، گورجرانوالہ، ساہیوال اور سرگودھا شامل ہیں میں متعلقہ ضلع کے کمشنر کو قائم مقام چیئرمین تعینات کرنے کی منظوری دے دی گئی

جاری مراسلے میں کہاگیا ہے کہ دفتر ی معاملات کو چلانے کےلئے تین ماہ یا نئے چیئرمین کی تعیناتی تک قائم مقام چیئرمین اپنے فرائض سرانجام دیتے رہیں گے۔

ذرائع کا کہنا ہے کہ یہ تعیناتی ضمنی الیکشن کی وجہ سے موخر کی گئی ہے، 17 جولائی کے بعد یہ تعیناتی کردی جائے گی ۔