پیف کا کنسل شدہ سکول کھولنے کے تیسرے مرحلے کا اعلان

پنجاب ایجوکیشن فاونڈیشن نے کنسل شدہ سکولوں کے متبادل سکول کھولنے کے تیسرے مرحلے کا اعلان کردیا۔

پیف کوالٹی انشورنش ٹیسٹ میں تین بار فیل ہونے والے سکولوں کی رجسٹریشن منسوخ کردیتا ہے، اس کے ساتھ ساتھ ایسے سکول جن کو پہلے فیز اور دوسرے فیز میں رجسٹریشن منسوخ کردی گئی ہو، یا ایسے سکول جن کے متبادل ادارے قائم نہ ہوسکے ہوں کےلئے تیسرے مرحلے کا اعلان کیا گیا ہے ۔

جاری مراسلے کے مطابق خواہش مند مالکان پیف کے ساتھ مختلف پروگرامز کے تحت الحاق کی شرائط دیکھ کر درخواست دے سکتے ہیں۔

آن لائن پورٹل پردرخواست 25جولائی تک ارسال کی جاسکتی ہے ، جبکہ کوریئر کی ذریعے درخواست اور کوائف 5 اگست تک ہیڈ آفس پہنچنا ضروری ہیں۔

نامکمل او ر تاخیر سے آنے والی درخواستوں کو مسترد کردیا جائے گا۔